Namaz Ve Dua

NASÎHAT Su gibi yerlere yüzler kim sürer insân olur Yerdeki yüz dâimâ şâyeste-i ihsân olur Zîr-i destân ise Hakk'dan bir emânetdir sana Hâlık'ı düşünse insân kullara kurbân olur Hazret-i Hakk'ın muhabbet-dârına n'eyler bu halk Hâmil-i hubb-i Hudâ Allah içün giryân olur Nûr-i basîret ile sen bir nazar kıl 'âleme Hakk'a dil-bend olanın ciğerleri büryân olur Lutfî tut dest-i garîbi sen garîbsin o garîb Bu kadîmdir tâ ezelden derdlere dermân olur Alvarlı Efe Hâce Muhammed Lutfî Kuddise Sırruh

NUTK-İ ŞERÎF Dervîş olan kişinin dirliği arı gerek Yol içinde hem anın nâmûsu arı gerek Geç benlik da'vâsından söyle sözün hâsından Ol Allah korkusından benzi anın sarı gerek Gitmeye bağrı başı dinmeye gözü yaşı Her dem dervîşin işi âh ile zârı gerek Kimseye hor bakmagıl hergiz gönül yıkmagıl Yetmiş iki milletde dervîşlik yarı gerek Korkmaya tamusundan ummaya hûrîsinden Dâim anın maksûdu Hakk'ın dîdârı gerek Toprak eyle yüzünü miskînlere ey Yûnus Cümlesinden ziyâde erin ikrârı gerek Yûnus Emre Kuddise Sırruh