Namaz Ve Dua

MEVEDDET-İ AHMEDİYYE Merdânedir ol ki çeke peymâne-i Ahmed Ferzânedir ol ki ola mestâne-i Ahmed Ferhâd ü Mecnûn heme erbâb-ı cünûna Sultanlık eder 'âşık-ı dîvâne-i Ahmed Tâvûs-ı behiştdir yeridir huld-i muhalled Her kim ola pervâne-i sûzâne-i Ahmed İkbâli yeğidir kim ola kâle-i meh-veş İkbâl-i bed oldur ola bîgâne-i Ahmed Nesh oldu kamu nakl-i hikâyât-ı lezîze Bozdu revişin lezzet-i efsâne-i Ahmed Ben bilmezem evsâfını Mevlâ bilir ammâ Hurşîde verir şa'şa'a gülhâne-i Ahmed Ferdâ 'arasât içre Nigârî ne gam eyler Kim olsa bugün sûz ile pervâne-i Ahmed Seyyid Hamza Nigârî Kaddesallahu Sırrahu'l-Âlî

MUHABBET-İ MUHAMMEDİYYE Sînemdedir ol dâğ-ı temennâ-yı Muhammed Gönlümdedir ol nâr-ı tevellâ-yı Muhammed Ağyâr elemi kalmadı aslâ ki dilimde Her lahza gezer fikr-i dilârâ-yı Muhammed Her lahza kılar gönlümü reşkâver-i 'anber Efkâr-ı dü gîsû-yı semensâ-yı Muhammed Eltâf-ı Hudâ'dır verir îmân-ı hakîkî Dildâdelere zülf-i çelîpâ-yı Muhammed İsrâda salup velvele mülk-i melekûta Reftâr-ı şîrin kâmet-i bâlâ-yı Muhammed Eyyâm u leyâlî heme sergeşte vü hayrân Reşkzede-i Leyle-i İsrâ-yı Muhammed Tâ rûz-ı ezel gönlümü şeydâlığa salmış Güldeste-i ruhsâre-i hamrâ-yı Muhammed Birdir gece gündüz bana zîrâ ki serimde Oynar heme dem berk-i tecellâ-yı Muhammed El-minnetü lillâh menem rûz-ı ezelden Pervâne-i esmâ-yı müsemmâ-yı Muhammed Ser-halka-i rüsvây ü ser-hayl-i cünûnem Tâ kim olubam 'âşık-ı şeydâ-yı Muhammed Ey Mîr Nigârî bana mahsûs u müsellem Ser-hizmet-i meyhâne-i sevdâ-yı Muhammed Açmış ki şîrin tab'ımı tûtî gibi söyler Evsâf-ı leb-i la'l-i şekerhâ-yı Muhammed Seyyid Hamza N...