Namaz Ve Dua

NA'T-I ŞERÎF Cihânın cânı vü cânın Muhammed'dir çü cânânı Ki kâtı'dır makâlâtı Ol ola çünki cânânı nice sevmeye cân anı Ki sâtı'dır delâlâtı Odur cânân yaradan cân edindi çün anı cânân Ki mahcûb etdi zâtına Sever anı kamu cânân odur bu cânların cânı Ki câmi'dir kemâlâtı Odur bu cânların cânı odur serverlerin hânı Çün ol sultân-ı kevneyndir Odur gevherlerin kânı o bildi buldu sultânı Ki sâdıkdır risâlâtı Odur sultân ki zâtından tecellî etdi zâtına Hüviyyetden hicâb açup Getirdi 'ilm-i gaybından zuhûra nûr-i Sübhân'ı Ki nâtıkdır celâlâtı Odur Sübhân kim ol nûru musavver etdi 'âlemde Muzaffer fer müeyyed yed Ki tâ sırr-ı muhabbetden erişe feyz-i Rahmânî Ki vasl ede hayâlâtı Odur Rahmân ki rahmetden getirdi bir kalem evvel Ola tâ 'ilmine mazhar Ki yaza adını anın biline 'ilm-i Mennân'ı Buluna anda hâlâtı Odur Mennân-ı a'la kim ol ism-i a'zamın resmin Ki 'unvân etmeğe adın Getirdi levh-i mahfûzu ki yaza dîn-i Deyyân'ı Ki def' e...

NA'T-I ŞERÎF Asl-ı zâtın ne diyem nûr-i Hudâ nûr-i Hudâ Mu'cizâtın ne diyem fazl-ı Hudâ feyz-i 'atâ Ne keremdir bize ol ismi Kerîm etdi kerem O risâlet güneşi mihr-i vefâ mihr-i vefâ Seni mes'ûd-i mukaddes ki o dem kıldı Hudâ Ne zemîn ü ne zemân kâfî kefâ kâfî kefâ Seni Hallâk-ı Hakîm kudret eliyle düzeli Ne felek var ne melek dürr-i velâ dürr-i velâ Enbiyâlar okudu hüsn-i kitâbın ezelî Zevk-ı seyrinde kalup bâb-ı velâ bâb-ı velâ Seni yüz dört kitâbın cem'ine câmi' kıldı Hakk Enbiyâlar serveri şâfî şifâ şâfî şifâ Sen hidâyet tâcısın enbiyânın müftehari Ey velâyet kameri lübb-i devâ lübb-i devâ Seni medh eyledi Hakk ne kadar indi kitâb Lutfî'yi eyle kabûl kân-i 'atâ kân-i 'atâ Alvarlı Efe Hace Muhammed Lutfî Kaddesallahu Sırrahu'l-Âlî

NA'T-I ŞERÎF Ey şâhid-i mukaddes hurşîd-i 'âlem-ârâ Geysûlerin muhammes ebrûlerin dilârâ Zülfün teline kıymet olmaz cihân serâser Neşr eylemiş dü kevne mûyin anber-i sârâ Ey nûr-i Hakk Muhammed sûre-i "ve'd-duhâ"da Vasf eylemiş seni Hakk ta'rîf eder Te'âlâ Âyât-ı beyyinâtda ism-i şerîfin Ahmed Bütün 'âleme rahmet gönderdi Zât-ı Mevlâ Bu mevcûdât vücûdu mevcûduna sebebsin Ey me'haz-i hidâyet ey dergeh-i mu'allâ Ey sultân-ı selâtîn ey 'âlim-i bevâtîn Ey hâtem-i risâlet ey matla'-i tecellâ Ey hurşîd-i şefâ'at gözler seni her ümmet Ey merkez-i se'âdet senden budur temennâ Vîrânı ma'mûr eyle mahzûnu mesrûr eyle Ey ma'den-i hidâyet mürdeyi eyle ihyâ Bu ümmet-i Muhammed halk olmadan mukaddem Va'd eyledin şefâ'at şefâ'atin müheyyâ Esrâr-ı "kâbe kavseyn" kıldı seni mübeşşer Kerîm ismine mazhar menzil-gehin "ev ednâ" 'İlm-i ezelde sâbit nâm-ı pâkin Muhammed Ey mahmûd-i Te'âlâ 'indallah k...

NA'T-I ŞERÎF Mâşâallah 'ayn-ı Kur`an'dır Habîb-i Kibriyâ Bârekâllah rahm-i Rahmân'dır Habîb-i Kibriyâ "Rahmeten-li'l-'âlemîn" halk etdi bil Mevlâ anı Te'âlâllah kenz-i 'irfândır Habîb-i Kibriyâ Nûr-i Hakk'dır feyz-i Hakk'dır lutf-i Hakk'dır 'âleme Hak budur ki lübb-i îmândır Habîb-i Kibriyâ On sekiz bin 'âlemin îcâdına oldur sebeb Emr-i "levlâk" ile sultândır Habîb-i Kibriyâ Hakk anı sevdi ezel halk etdi muhtâr eyledi Vasf olunmaz sırr-ı Yezdân'dır Habîb-i Kibriyâ Şâh-ı evreng-i risâlet şems-i burc-i enbiyâ Evliyâya mihr-i rahşândır Habîb-i Kibriyâ Şems-i bezm-i vahdet oldu nûr cemâlin ey güzel 'Akl erişmez âlî zî-şândır Habîb-i Kibriyâ "Küntü kenz" esrârını 'âlemlere ifşâ kılan Zâhir u bâtında burhândır Habîb-i Kibriyâ Enbiyânın serveridir evliyânın rehberi Hakk resûlü ins ile cândır Habîb-i Kibriyâ 'Âlem-i mülk-i melekût cümle halk-ı kâinât Bildiler ki emr ü fermândır Habîb-i Kibriyâ Ahm...

NA'T-I ŞERÎF Âfitâb-ı kubbe-i kübrâ Muhammed Mustafâ Mâhitâb-ı "Leyle-i Esrâ" Muhammed Mustafâ Mevcûd-i mele-i a'lâ şem'inin pervânesi 'İlm ü 'irfân mahzen-i deryâ Muhammed Mustafâ Enbiyâlar serveri âhir zemân peygamberi Gülbün-i gülşen-i "ev ednâ" Muhammed Mustafâ Hil'at-i "levlâk"i zât-ı pâkine verdi Hudâ Metn-i neşr-i şârih-i Tâhâ Muhammed Mustafâ "Ve'd-duhâ" vassâf olup 'ilm-i ezel vassâfına Münzelâtda memdûh-i Mevlâ Muhammed Mustafâ Gözlenir rûz-i cezâ bâb-ı şefâ'at fethine Enbiyâya dergeh-i vâlâ Muhammed Mustafâ "Lî me'allah" ravzasında şem'a-i nûr-i hüdâ Ol sebeble kevser-i ma'nâ Muhammed Mustafâ Çâr-i yâr-i bâ-safâ cân verdi İslâm yoluna Âb-ı hidâyet ile ihyâ Muhammed Mustafâ Kıblegâh-ı enbiyâdır mihrâb-ı ebrûleri Neyyir-i a'zam-ı isti'lâ Muhammed Mustafâ Kudsiyânın ilticâgâhı ezelden tâ ebed Melce-i bây u gedâ me'vâ Muhammed Mustafâ 'Arş u ferş levh u kalem bir def...

NA'T-I ŞERÎF Der-i deryâ-yı kerem Hazret-i Muhtâr-ı Hudâ On sekiz bin 'âleme kamer-i envâr-i hüdâ Şeref ü şân-ı kadîm her dü serâda o kerîm Mürtezâ olsa gerek rûz-i cezâ dâr-ı livâ Vücûdu nûr-i Hudâ kubbe-i vahdet güneşi Enbiyâ serveridir pâdişeh-i her dü serâ Hurşîd-i 'arş-ı risâlet kamer-i hikmet-i Hakk Sebeb-i hilkat-i eşyâ şeref-i 'arş-ı ulâ Lutfî'yi eyle kabûl şân u şerâfât-ı kadîm Yâ Resûle's-sekaleyn mültecâ-yı bây u gedâ Alvarlı Efe Hâce Muhammed Lutfî Kaddesallahu Sırrahu'l-Âlî

NA'T-I ŞERÎF Bu cümle kâinâtı "kün" deyüp vâr eyleyen Mevlâ Habîbi Mustafâ'ya 'aşkını yâr eyleyen Mevlâ Hudâ halk etdi Ahmed'i mukaddem kendi nûrundan Mübârek kalb-i pâkin kenz-i esrâr eyleyen Mevlâ Muhammed'dir nebîler serveri şems-i hüveydâsı Risâletle anı sultân-ı ebrâr eyleyen Mevlâ Zehî nûr-i ilâhî yevm-i vuslat mihr-i vâlâsı Kemâl-i 'izzet ü ikrâmla serdâr eyleyen Mevlâ Senindir rütbe-i "levlâk" senindir sırr-ı "mâ evhâ" Seni fevc-i risâletde 'alemdâr eyleyen Mevlâ Senin şem'in zıyâsıdır bu mihr ü mâh ü encümler Senin nûrunla 'arş u ferşi pür-nûr eyleyen Mevlâ Te'âlallah seni sevdi beğendi eyledi muhtâr Seni ser-halka-i müştâk-ı dîdâr eyleyen Mevlâ Ezelden okunur hüsnün kitâbı cümle mahlûka Seni sırr-ı elest 'uşşâka dildâr eyleyen Mevlâ Seni tasdîk eder Lutfî iki 'âlemde bir sensin Seni sevmeyenin gözüne hâki eyleyen Mevlâ Alvarlı Efe Hâce Muhammed Lutfî Kaddesallahu Sırrahu'l-Âlî

NA'T-I ŞERÎF Ey Resûl-i Hakk güzîde-i halk nûr-i Kibriyâ Şâh-ı âdem mâh-ı 'âlem bihterîn-i evliyâ Nâzenîn-i mürselîn ü bergüzîn-i kâmilîn Sadr-ı bedr-i asfiyâ vü nûr-i çeşm-i evliyâ Sensin ol şems-i ziyâ-güster ki nûr-i pâkine Hakk kasem edüp dedi "ve'ş-şemsü" dahi "ve'd-duhâ" 'İllet-i gâyiyyedir zât-ı latîfin 'âleme Dedi "levlâke" senin şân-ı şerîfinde Hudâ Bir günehkârem ki kıldım ilticâ dergâhına Yâ şefî'al müznibîn mâ lî sivâke mültecâ İsmâil Ankaravî Kuddise Sırruh

NA'T-I ŞERÎF Gül-gülistân-ı melâhatdir Muhammed Mustafâ Bülbülistân-ı belâgatdir Muhammed Mustafâ Rûh-i pâki nûr-i Mevlâ'dan mürekkeb bir güzel 'Ayn-i 'ummân-ı 'inâyetdir Muhammed Mustafâ 'Arş-ı tevhîd kubbesinde neyyir-i a'zamdır ol Merd-i meydân-ı nübüvvetdir Muhammed Mustafâ Ez ezel tâ be ebed Muhtâr-ı Mevlâ bir odur Me'haz-i nehr-i se'âdetdir Muhammed Mustafâ "Rahmeten li'l-'âlemîn"dir hem habîbullah odur Şâh-ı evreng-i şefâ'atdir Muhammed Mustafâ 'Arş-veş harem-i ravzası metâf-ı kudsiyân Hakkâ ki mihr-i hidâyetdir Muhammed Mustafâ Lutfî sür yerlere yüzler rahmet-i Rahmân hemân Zîr-i dâmân-ı selâmetdir Muhammed Mustafâ Alvarlı Efe Hâce Muhammed Lutfî Kaddesallahu Sırrahu'l-Âlî

NA'T-I ŞERÎF Sultân-ı rusül 'âleme rahmet seni Mevlâ  Gönderdi kerem eyledi Allahu Te'âlâ Ey nûr-i hüdâ zât-ı kerîmin ne keremdir Mahrem-i haremgâh-ı visâl Leyle-i Esrâ Kim vasfına kâdir ola Kur`ân sana vassâf Ey menba'-ı ma'den-i kerem nûr-i tecellâ Hâk-i kademin dânesinin kıymeti olmaz Şems ü kamer encümler ile cennet-i a'lâ Ey şâh-ı rusül şem'-i sübül hurşîd-i kevneyn Şân u şerefine bizi bahş eyleye Mevlâ Hâk-i kademin arşa verüp şân u şerâfet Nûr-i dü serâ mesned-i iklîm-i tecellâ Takdîr mi olur kıymet-i vâlâ-yı Muhammed Rûz-i cezâda keşf ola Lutfî bu mu'ammâ Alvarlı Efe Hâce Muhammed Lutfî Kaddesallahu Sırrahu'l-Âlî

NA'T-I ŞERÎF 'Âlemlere rahmet olan Ahmed Muhammed Mustafâ Hakk'dan bize devlet olan Ahmed Muhammed Mustafâ Dergâhıdır fevka'l-'ulâ Dîdâr-ı envâr-ı Hudâ Cemâline cânlar fedâ Ahmed Muhammed Mustafâ Burc-i hidâyet hurşîdi İki cihânın mürşidi Enbiyâların irşâdı Ahmed Muhammed Mustafâ 'Âlemlere vermiş şeref Nûr-i Muhammed her taraf Neşr eylemiş ders-i 'aref Ahmed Muhammed Mustafâ Mahbûb-i Mevlâ'dır ezel Muhtâr edüp o lem-yezel İki cihânda bir güzel Ahmed Muhammed Mustafâ Oldur imâm-ı enbiyâ Hem reh-nümâ-yı evliyâ Âlemlere vermiş zıyâ Ahmed Muhammed Mustafâ Mihr-i tecellâ zâtıdır Hubb-i Hudâ sıfâtıdır Cemâl-i Hakk mir'âtıdır Ahmed Muhammed Mustafâ Arş-ı berîn konağıdır "Kâbe kavseyn" durağıdır Hakk yolunun çerâğıdır Ahmed Muhammed Mustafâ Lutfî koymuş yere yüzün Dergâha tutmuşdur gözün Şâm u seher olsun sözün Ahmed Muhammed Mustafâ Alvarlı Efe Hâce Muhammed Lutfî Kaddesallahu Sırrahu'l-Âlî